اسمع كلامي وافهمه

اسمع كلامى وافهمه............ وفتح عينيك

الدنيا ماشيه من غيرك...........او حتى بيك

امشى خطوه او خطوتين...........وريح رجليك

وافتح لقلبك الباب............يفتحلك شبابيك

**
كان نفسى وياريتنى........كلام خايب متقلوش

والظالم والمفترى........عليه ومترحموش

لو كلمه من الشيطان........وده بالذات مبنحبوش

داخل النار وبيشدنا..........لو شاطر مترحلوش

**
حبيبك يبلعلك الزلط.......انت كمان ابلع وسامح

وخلى وشك هو وشك.........دى اجمل ملامح

اياك تفكرالكون حتغيره..........لو انت فالح

حتفضل السما زرقا......... وبرده البحر مالح

**
اجرى يابن آدم جرى الوحوش.......ويتلحقوا يا متلحقوش

ده رزقك هو رزقك........... والقرش متعدهوش

وادى كل ما تقدر.......... والغلبان متنسهوش

دعوة فقير حتفيد كتير......... فى يوم مننسهوش

**
ربك كبير مبينسناش.......بس انت كتر من السؤال

وادعى بقلبك مش بلسانك........ده هو العالم بالحال

اسعى ياعبد وانا اسعى معاك......ربك اولى بالتكال

قول يارب وسيبها عليه......دوام الحال من المحال

بقلم
د.هاله خاطر